الرئيسية
من طرف ساعات الواحد بيقابل ظروف صعبه في حياته وبيجي علي نفسه كتير
علشان المركب تمشي او علشان ناس بيحبهم
علي اي حال التضحيه انهارده بقيت نادره اوي
ومحدش بالساهل ممكن يضحي علشان اللي قدامه
التضحيه سهله عند ناس وغاليه جدا عند ناس والاهم بقي الطرف اللي ضحيت علشانه
ياتري هيقدر ده ويفتكروا ولا هينكر الجميل ؟
في ناس بتضحي ومش بتستني مقابل
وفي ناس بضحي وبتستني تشوف تضحيتها دي كانت في محلها ولا لا
ده غير انكار الذات اللي بقي برده نادر جدا
ممكن حد يساعدك في شغلك ولما تنجح تنكر مساعدتك ليه بنقابل ناس كتير واشكال مختلفه
في ناس بتحب تضحي وناس بتحب تلعب دور الضحيه وانه اتغدر بيها
ما علينا دلوقتي بقي
ايه مفهوم التضحيه عندكوا ؟
جيت علي نفسك علشان خاطر حد قبل كده ؟
كان برضاك التضحيه دي ولا غصب عنك ؟
لو ضحيت وحد نكر جميلك ممكن تضحي تاني ولا هتتعلم وتبطل ؟
ايه اكتر موقف من وجهه نظرك شايف انك ضحيت فيه ؟
شايفين ان في حد يستاهل في الزمن ده انك تيجي علي نفسك علشانه ؟
الموضوع ده شغلني اوي لاني بشوف الشئ ونقيضه
في نفس الزمن بنشوف ناس ممكن تيجي علي نفسها اوي وتموت نفسها علشان تعيش ناس تانيه
وناس بتحب تعيش علي دموع وتضحيات ناس تانيه
واللي يعيش ياما كتير هيشوف
